Bech sadak premika ke saath ja rahe pati ko patni ne range haath pakda, video banate hue shuru ki sareaam beizzati.
Pati aur patni ki ladai ka video is samay social media par viral ho raha hai. Jismein users bhi kaafi dilchasp dikhate hain aur comment section mein jamkar apni rai de rahe hain.
Darasal, mamla extra-marital affair ka hai, jahan patni apne pati ko uski premika ke saath rangey haath pakad leti hai.
Patni ne pati ko rangey haath pakad liya… Is video ko record kar rahi mahila pehle ek gaadi mein baithi hoti hai. Halanki, uska kaam sirf kalesh ko camera mein record karna hota hai. Baaki saara kaam to patni khud karne wali hoti hai.
Clip mein jaise hi usse aage se apna pati kisi mahila ke saath scooty par aata hua dikhai deta hai, woh turant apni kamar kas leti hai aur beech sadak use rukwa leti hai.
Speed mein hone ke chalte pati aur uski premika scooty se dhadham girte hain. Uske baad patni pehle to apni patni ko koshti hai, fir apne bachche se kehne lagti hai, “Aadi dekh tere papa kis ke saath ghoom rahe hain.”
Apne pati ko kisi aur ke saath ghoomta dekh patni khaas aakroshit ho uthti hai aur sareaam uski beizzati karne shuru kar deti hai. Is dauran pati dev behad hi aaram se apna chashma saaf karte dikhai dete hain.
Is beech mahila uske husband ke saath ghoom rahi aurat ko bhi jamkar khari-khoti sunati hai aur usse puchhti hai, “Tu hai kaun?” Jis par premika kahti hai, “Tumhe kya lena dena?” Uske baad dono ke beech kaafi kahasuni hoti hai aur isi ke saath lagbhag 90 second ki yeh clip khatm ho jati hai.
Bhai to swag mein hai… Comment section mein users premika ke saath pakde gaye pati ki jamkar mauj le rahe hain. Ek shakhs ne likha, “Bhai to chashma saaf kar rahe hain bindas… lad to wo dono rahi hai.” Doosre ne kaha, “Bhai to swag mein hai, himmat to dekho, fir le ja rahe hain scooty par woh bhi patni ke saamne se.” Zyadatar users mauj lene ke saath-saath shakhs ko uski patni ki izzat karne ki salah dete bhi nazar aa rahe hain.